O Celta e o Wakatake Group renovan o seu convenio de colaboración e amplían horizontes internacionais xunto a TFL
23 Xaneiro 2026
O PAOK tivo a oportunidade de coñecer de preto Afouteza, o corazón deportivo do Celta. Durante a súa recente estancia en Galicia, o conxunto grego elixiu o centro de adestramento celeste para levar a cabo o seu stage de traballo tras o encontro de UEFA Europa League disputado fronte ao equipo de Claudio Giráldez en Abanca Balaídos, antes de regresar a casa.
A visita deixou tamén un xesto simbólico de amizade. Fernando Iturbe, xefe de desenvolvemento de negocio de Celta 360, e o xogador do PAOK Alexander Jeremejeff protagonizaron un intercambio de camisetas asinadas por ambos os clubs, reflexo do respecto e a boa sintonía entre as dúas entidades.
Para o Celta foi un orgullo recibir a un equipo de primeiro nivel europeo e compartir con eles momentos de convivencia nunha contorna concibida para o alto rendemento. Desde o club quérese agradecer especialmente a profesionalidade e o trato próximo de todo o staff do PAOK durante o seu paso por Vigo.
Esta experiencia reforza o compromiso de Celta 360 coa proxección internacional do club e co desenvolvemento da Cidade Deportiva Afouteza como un espazo de referencia para o fútbol europeo. Seguirase traballando para que o ecosistema deste proxecto pioneiro continúe sendo un punto de encontro e referencia para equipos profesionais de ao longo de todo o mundo.
